En Himmel. Es Igangstor. E Hoffnig.

 

enn Du probiersch z kommuniziere, und Du gnueg hesch devo, falsch verstande z wärde, denn isch Babel s Richtige für De. Wenn Du s gärn hesch, wenn Dir Kunscht mit Schmelzchäs, Gwürz und Schoggiliqueur-Löffel uftischet wird, denn chunnsch das bi Babel über, und de Räscht lit a Dir. Und wenn Du langsam fruschtriert und erschöpft bisch vo de Suech nach enere Website, wo s Dir entspannt und agnehm isch, statt unwohl und befrömdend, denn Willkomme z Babel.

 

ür de Afang wämmer öppis eifach und fründlich klar mache: Wenn Du en Solipsischt bisch und die Site per Zuefall gfunde hesch, denn leit eus doch a öpper i Dinere Nöchi witer, und widme De wieder Dine Waffe, Dinere Habgier und Dim fehlende Mitleid. Lo öpper ander d Aare uf dere Fähri überquere.

 

Frog, öb s je en einzigi Sproch geh het, us dere alli andere entstande sind, het d Mänschheit sit Tusige vo Johre fasziniert; drum händ mer e vilsprochigi, multikulturelli Online-Zitig für Kunscht und Idee ufbouet. Uf eusne Site findsch Artikel, Humor und Sonderbiträg, wo us vilne Sproche, Länder und Diszipline usgläse worde sind, und zäme e interaktivi Zitig für die Agfrässene bilde.

 

e gröscht Teil vo de hütige Information verbringt sini Zit imene Terminal imene fänschterlose Rum, won er unpersönlich und unter hoffnigslosem Süfze vo de sozial verspötete aklickt wird, bim Surfe vo enere Sport-Site uf e Spieli-Site uf e Porno-Site. Worum aber ned mit Babel abentürlichi Nomade finde, und die froge, wie mer en Wäg vo Öschtrich uf Jordanie findt, oder i de Kanäl vo Amsterdam go plansche, oder sich dur es dornigs Dickicht z Afrika oder z Adelaide schloh?

 

ie einsam und langwilig muess de Umgang mit em Internet si, wenn mer s as landlosi, anonymi und abgchapsleti Erfahrig dur es elektrischs Niened mit Narrestab und Reife und Pfife und Glogge und emene überwältigende Informationsagriff betrachtet. Mer konzentriere eus lieber uf Qualität, Tiefi und Längi vom Inhalt, statt dass mer De mit schierer Mängi i halsbrächerischem Tempo bewärfe.

 

chloflosigkeit und Ungeduld überlömmer anderne Internet-Site; mer konzentriere eus lieber druf, euse natürlichi Tagesrhythmus z pflege, und ebeso eusi Sehschärfi, und mer beläbe en Arena, wo gebildeti Diskussione und de soziali Ustusch vo Idee wichtiger sind as die zerfätzti Ufmerksamkeit vo emene süchtige Websurfer.

 

it de Online-Veröffentlichung vo Babel erfülle mer es Bedürfnis, wo nume es bitzeli weniger wichtig isch as das, wo sich grad de Report i de Mitti vo de Lischte agnoh het: über d Blüete vom Zuegriff uf Buechtitel. Es git so vil Website, wo so vil Gwicht of Mode und Haltig legged, dass d Archivierig vo de Vergangeheit und s Schaffe vo enere Plattform für d Zuekunft vo de Künscht vollständig vernachlässiget und us dere blühende Rose vo emene Medium usedrängt worde sind.

 

lichgültigi Underwürfigkeit under die allgemein zynischi Malaise vo eusere Ära interessiert eus ned. Für eus sind d Sächzgerjohr de Afang vo enere künschtlerische Renaissance, wie sie d Wält sit Hunderte vo Johre ned gseh het. Eusi Vision isch es, d Technologie vo hüt z bruche, um die Renaissance no witer goh z loh, aber mer wänd High-Tech ned höcher schätze as e zwölfsaitigi Gitarre.

 

as Ufrichte vo de Erfüllig vom uralte Traum hebt eus vilicht über vili Vorurteil, aber mer wänd ned blöffe demit, usserhalb vo de Richwiti vo de würkliche Wält z si, drum gömmer use i d Galerie, Theater, Operehüser, Kinos, Clubs, Beize, Cyberkafi und Houseparties und schribe uf, was passiert wenn d Türe gschlosse wärde, damit mer das chönd initiiere, analysiere, feschtstelle und flüschtere, was mer as de Afang vo völlig neue zwoitusig Johr aluege.

 

Liebi zu de Wält isch euse zwoiti Charakter. Mer gniesse s, Frömdi z träffe und z beidrucke, und dene, wo eus inspiriere, as Gegeleischtig Glägeheite z biete, idem mer Cocktails mixe und e paar Fründe ilade für e Diskussion mit em John Woo, mit em Peter Greenaway, mit de Patricia Rozema; oder über de Arthur Rimbaud, de Italo Calvino, de Kurt Cobain, Opere, Erotica und erläseni Liche überall.

 

ir legge Wärt uf die mündlichi Tradition mit eusne Chatrooms, eusem Informationsbrätt und eusem Sprochzenter; denäbe biete mer e Überdosis a Website zum driluege mit Inhalt zum Thema, en Coffeeshop-Tisch-Diskussion mit emene Buechzeiche, wo i Dim Browser steckt, wo immer Du au bisch, uf baskisch, brasilianisch-portugiesisch, bulgarisch, tschechisch, dänisch, holländisch, englisch, finnisch, französisch, dütsch, glosa, griechisch, ungarisch, italienisch, luxemburgisch, norwegisch, polnisch, portugiesisch, rumänisch, russisch, serbisch, slowenisch, spanisch, schwizer-französisch, schwizerdütsch, tagalog, türkisch, ukrainisch…

 

änemark, El Salvador, England, Frankrich, Dütschland, Hawaii, Israel, Italie, Pole, Portugal, Rumänie, Russland, Slowenie, Spanie, Schwiz, Holland, Türkei, Ukraine, USA, Venezuela, Jugoslawie, Argentinie, Australie, Öschtrich, Brasilie, Bulgarie, Kanada, Chile…

 

hicago, Delft, Gilroy, Hollister, Horst, Kailua-Kona, Leeds, Liverpool, Ljubljana, Louisiana, Madrid, Manchester, Melbourne, Modena, Montpellier, Moskau, Mt. Waverley, Neapel, New York, Oakland, Olathe, Oporto, Ottawa, Pontevedra, Portland, Poznan, Pyatigorsk, Quebec City, Ranica, Rom, Rosario, San Antonio, San Francisco, San Salvador, Santiago, Sao Paulo, Sarasota, Seattle, Südkorea, Suceava, St. Vincent de Tyrosse, Ste-Brigitte-de-Laval…

 

acoma, the Burning Man playa in Nevada, The Dalles, Tokyo, Toronto, Tucson, Untersiggenthal, Vanderhoof, Varna, Sao Vinhedo, Vitoria-Gasteiz, Waterloo, Woodstock, Zaporozhye, Aarhus, Ankara, Arlington, Athen, Austin, Berlin, Beaumaris, Belgrad, Berkeley, Boston, Bozen, Bukarest, Buenos Aire, Caracas, Carlton, Cernier…

 

Gschäft vom Planet sind eusi Provinz. Mer liefere e authentischi Wält vo enere Website mit tusige vo internationale Links und mit verschiedene Arte, um mit eso vil Sproche z kommuniziere, wie mer finde chönd. Wenn mer emene Wältebürger e paar unabhängigi Gedanke chönd liefere, und ihm e chlini Abwächslig i d Ängi vom Nonstop-Informationszitalter chönd geh, denn isch euses Ufrichte für eus berächtiget.

 

enn d Wält isch Dis schlimige, chemisch vergrösserete, bodeläbende, zwoischalige Weichtier. Mit andere Wort: Suech d Perle i de Mitti, denn Du bisch eine vo de Glückliche für de sich zimli alles im Himmel uf en Versuech usrichtet, d Wält zu emene bessere Ort z mache. Oder übersetzt: Das do isch e gueti Sach. Ganz glich wie Du dra gohsch, Du findsch bestimmt e Perle.

 

rwählti, es isch Zit, d Füess uf de Bode z setze. Wievil isch ned gnueg? Wievil Chummer und Sünd chasch verchrafte, bis Dis Härz zuegmuret isch? Es git öppis, wo muess gstoppt, verlangsamt, oder mindischtens in e Bahn brocht wärde. Du hesch d Chraft zum das mache. Du hesch au s Rächt, die Chraft z bruche. Aber vilicht bisch ned gwillt. Vilicht hesch Du s Gfühl, Du verdirbsch öpper anderem s Läbe, wenn Du „jo" seisch. Vilicht hesch Angscht, dass Du e Chettereaktion uslösisch, wenn Du Dini Stärki duresetzisch, und dass Du öppis anders beändisch, wo Du ned beände hesch welle. Du muesch aso scho fin und subtil vorgoh. Aber sig trotzdem stark.

 

änk dra, dass mit em Wüsse d Macht chunnt. Mit de Macht chunnt d Verantwortig. Mit de Verantwortig chunnt s Erbarme. Mit em Erbarme chunnt s Verständnis. Mit em Verständnis chunnt Information. Mit de Information chunnt s Wüsse. Denn die beschte Sache im Läbe sind gratis. Es sind die nächschtbeschte Sache, wo Gäld choschte. Wohri Liebi, zum Bischpil, chunnt mer für kei Summe über.

 

atürlich chasch, wenn das würkli wottsch, Ufmerksamkeit chaufe, oder Popularität, oder sogar e Geste vo schinbarer Rüerig. Echti inneri Zfrideheit hingege isch unbezahlbar. Für gnüegend Bargäld chunnsch en Sinn vo Wichtigkeit, Autorität, Reschpäkt und Ibindig über. Fascht so guet? Ned wenn Du s Wohre probiert hesch. Es isch ned s Lotto wo Du hüt günne wottsch. Es isch d Wisheit, um hinder es ärmlichs „Zwoitbeschts" chönne z luege.

 

römdeangscht het zahllosi Chriege und Hasstate verursacht. Am Schluss sind s ned d Mythe und d Legände wo ein Stamm verehrt oder d Farb vo öpperem sinere Hut, sondern es isch s eigne Erbe: Ned vertrouti Brüch und unsichtbari Gottheite sind kein Grund, um anderi Kulture z verneine. Sie sind Herusforderige zur Erlüchtig (und zum Verständnis vo Metaphere), wo mer muess aneh. Wenn d Bürger vo de einte Rasse d Bürger vo enere andere Rasse akzeptiere, denn merke das d Füerer und sind iverstande, mitenand z schaffe statt gegenenand. D Chriege höre ned uf, bis mer alli realisiere, dass mer alli Eis sind. Lad Din Feind zum Znacht i.

 

ie, wo jung sind im Härz, hebe zäme und händ Erfolg. Jetz isch die perfekt Zit, um ärnschthaft über die Ferie nohzdänke, wo Du scho lang hesch welle mache. Du findsch De wieder uf em Internet oder inere Bibliothek oder imene Wüsseschaftsmuseum, machsch Entdeckige, zeichnisch Plän uf Landcharte oder triffsch Entscheidige, weli Gegende am meischte verspräche für Forschige oder langfrischtigi Interesse.

nder Umständ entdecksch Du sogar Situatione imene Land, wo Du dänksch, dass Du chönntsch mithälfe, die z verändere. Hüt machsch Du en Undersched. Du schaffsch Dini eigne „Hüt", und Du machsch en positive Undersched, idem Du Dir Zit nimmsch, um emene alte Mänsch z hälfe oder um emene Chind öppis z lehre. Üeb das, und gang hüt z Fuess (zum Bispiel in en Bazar), und loh Dini überschüssig Energie use.

imm das Buech vüre, wo Du hesch welle läse, schalt de Fernseh ab und sitz uf d Veranda und les. Mit emene bitzeli Phantasie versetzisch De i d Rolle vom Held oder em Verfüerer, und d Gschicht cha luschtig wärde. Zrugg uf d Ärde wirsch denn scho gnueg schnell gholt, mit de Arbet, wo sich vor Dim Gsicht ufbout. Denn machsch die Arbet halt, und denn chasch De wieder im Gheimnis vom Läse vergrabe, bis es Zit isch zum schlofe.

ruch Din Witz, Din Gschmack und Dini Intelligänz. Find e Art, um Dich uszdrucke. Find e Zueflucht. Bring Dini Meinig uf Papier, übers Kabel, in Äther und zum Verleger. Streck De us und berüer öpper. Lüt all dene Lüt zrugg, wo Du scho lang hättisch sölle. Schrib Briefe und schick Dine Fründe und Verwandte Geburtstagscharte. Mach en radikale Schritt vorwärts. Säg dene „danke", wo De understütze. Säg dene „danke", wo a De glaube. Los dene guet zue, wo De liebe.

 

illkomme z Babel. D Heilig het agfange. De Räscht lit bi Dir. Mir glaube a s Unmögliche. Das weisch Du. Alles Liebi, Malcolm Lawrence Chefredaktor

 

Schrib eus es E-Mail! Din Name: Dini E-Mail-Adrässe: Dini Homepage: Vo wo chunnsch? Klick uf Dini Region. Kommentar: